Atom Rhumba – Cosmic Lexicon

Release Date
12 enero, 2018
Discográfica
El Segell de Primavera
Xénero
Rock
Our Score
5.9

Síntome moi confuso cando tras escoitar algún disco son consciente de que houbo cousas que disfrutei e outras que non mais non son capaz de identificar cales son aquelas que me resultan positivas e cales negativas. Tras a primeira escoita a Cosmic Lexicon sentín instantaneamente o impulso de voltar a darlle ao play para poder saír de dúbidas.

Tras a segunda escoita seguín a estar confuso mais xa había unha cousa que tiña moi clara, a canción que abre este novo disco de Atom Rhumba, titulada The Sea In You resultoume moi disfrutable, o tono escuro e misterioso trasladoume momentáneamente a eses concertos na Roadhouse de Twin Peaks que tan presentes estiveron na terceira tempada da serie. A segunda canción, titulada Tumba Gris, ten un ritmo de batería e unha liña de baixo repetitiva que non aburren en ningún momento senón que fan que siga o ritmo da pista dende seu comezo ata seu final. Sen embargo, pasadas esas dúas cancións continúo a non poder sacar máis conclusións.

Terceira escoita. Podo afirmar con seguridade que a base rítmica das cancións de este Cosmic Lexicon paréceme moi ben interpretada, tanto a batería como o baixo transmítenme a sensación de ter moi bo sentido de ritmo e dotan de boa parte da vida que teñen estas cancións. As guitarras teñen un bo sonido, distorsionadas pero nunca excesivamente ruidosas, os arreglos que realizan están ben interpretados e resultan interesantes en aqueles momentos nos que se alonxan do blues-rock ou o rockabilly máis tradicional.

Por outra banda, a voz en estas cancións semella buscar a actitude e a vitalidade constantemente mais non me remata de convencer, non me resulta unha interpretación que me crea ao cen por cen. Polo demáis este é un disco que se move por varios territorios do xénero do rock, todos eles xa coñecidos e explorados previamente, e se ben hai uns cantos temas satisfactorios Cosmic Lexicon tamén conta con outras tantas pistas que non teñen moito que dicir.

Atom Rhumba – Cosmic Lexicon
5.9
Déixanos contarcho!
Mantente ao día das nosas novidades uníndote agora á nosa lista de suscriptores.