FRIENDS Pictured: (l-r) Lisa Kudrow as Phoebe Buffay, Matt LeBlanc as Joey Tribbiani, Courteney Cox Arquette as Monica Geller, Matthew Perry as Chandler Bing, Jennifer Aniston as Rachel Green, David Schwimmer as Ross Geller

‘Friends’ volverá en maio cun capítulo especial

A reunión contará co reparto e os produtores orixinais, e poderá verse en Estados Unidos co lanzamento da nova plataforma de streaming HBO Max

Tras anos de especulación e negación sobre o retorno de Friends á televisión, os soños de millóns de fans cumpríronse onte: os seis protagonistas da mítica serie da NBC -Jennifer Aniston, Lisa Kudrow, Courteney Cox, Matthew Perry, Matt LeBlanc e David Schwimmer confirmaron nas súas contas de Instagram que se ían reunir 16 anos despois do remate de Friends, con motivo do lanzamento da nova plataforma de streaming HBO Max. O capítulo especial estará dispoñible en maio nos Estados Unidos, xunto cos 236 episodios orixinais.

Segundo confirmou a Warner Bros, os actores non interpretarán ás súas personaxes principais, senón que se sentarán no plató orixinal de Friends xunto á famosa presentadora Ellen Degeneres para falar das súas experiencias rodando a serie. A dirección correrá a cargo de Ben Winston -coñecido por producir diversos talk shows estadounidenses- e contará cos tres creadores de Friends -Kevin Bright, Marta Kauffman e David Crane- como produtores.

Pódeche interesar...
Oscars 2020 | Cales son as grandes favoritas?