Sans Soleil estrean o seu novo single, ‘Diáspora’

O tema, gravado a distancia, introduce elementos da electrónica no post-rock definitorio da banda

Sans Soleil veñen de publicar o seu novo sinxelo, Diáspora. O título do tema provén da dispersión dos membros do grupo quen, máis aló da corentena, levan un tempo obrigados a crear limitados pola distancia xeográfica entre eles. E así foi gravado o tema, desde as súas respectivas casas, e posteriormente mesturado e masterizado por El Monte Producciones en Lima. O artwork foi realizado por Sara Farré Sánchez.

En Diáspora, seguen a explorar o post-rock definitorio da banda xunto con rítmicas e elementos máis propios da electrónica. Sans Soleil nacen en Vigo en 2016, e en 2018 publican o seu primeiro álbum de estudo,Variaciones cromáticas del Atlántico, unha ópera prima conceptual que se erixiu como un dos grandes descubrimentos da música galega.

Déixanos contarcho!
Mantente ao día das nosas novidades uníndote agora á nosa lista de suscriptores.