Kings of the Beach publica ‘Satellite’, o primeiro adianto do seu novo disco

A banda viguesa xa quenta os motores para o seu segundo disco.

Hai cancións que se coan dentro con tan só unha escoita. Satellite, o novo tema de Kings of the Beach, é unha delas. Un hit enérxico que, en menos de tres minutos, pasa dun brillante arranque a unha épica explosión de guitarras; sen perder a indisoluble pegada da batería e as melodías redondas que caracteriza o son da banda viguesa. Un non-stop sen altibaixos que se mantén ata o último segundo.

Xa dispoñible en plataformas dixitais, este novo sinxelo ilustrado ademais por Tábata Pardo, é un perfecto avance para abrir o apetito á espera da publicación do seu segundo longo, “que será un antes e un despois” para a banda. O single foi gravado e masterizado por Fran Meneses en Metropol Studios de Madrid.

Déixanos contarcho!
Mantente ao día das nosas novidades uníndote agora á nosa lista de suscriptores.