Mounqup abrirá o Vive Nigrán cun concerto na Ría de Vigo

A terceira edición de Vive Nigrán, que se celebrará no antigo campo de fútbol de Lourido (Praia América) os próximos 19 e 20 de xullo, incorpora á súa programación un concerto a cargo de Mounqup, o alter ego da cantante franco-galega Camile Hédouin. A súa música electrónica supón unha personalísima proposta de corte vangardista.

O xoves 18 de xullo, e como actividade previa ao festival, o público poderá asistir ao concerto de Mounqup e gozar durante dúas horas dunha experiencia musical e gastronómica a bordo dunha embarcación pola Ría de Vigo nun traxecto que partirá dende Panxón e visitará as Illas Cíes dende o Atlántico, a bordo dun catamarán. As entradas para esta travesía están á venda na web do festival a un prezo de 25 euros a entrada anticipada e 30 euros o mesmo día da viaxe. Todos aqueles que xa adquirisen previamente a súa entrada ou abono para o festival poderán beneficiarse dun desconto do 20% nesta compra.

O resto da programación desta terceira edición dofestival levará a Nigrán nomes destacados do panorama indie estatal como Ángel Stanich ou os galegos Novedades Carminha que estarán presentando seu último disco, ‘Ultraligero‘.

Déixanos contarcho!
Mantente ao día das nosas novidades uníndote agora á nosa lista de suscriptores.