Os abonos do Son do Camiño esgótanse en menos dunha hora

As entradas diarias sairán á venda en canto se anuncie o cartel por días

O festival O Son do Camiño vén de esgotar en menos dunha hora todos os abonos normais, que saíran á venda ás pasadas 14 horas. Por terceiro ano consecutivo, os tickets completos puxéronse á venda por tramos, comezando por unha primeira oferta a 59 euros máis gastos e aumentando ata os 99 euros. Actualmente soamente están dispoñibles os abonos VIP, a un prezo de 199 euros máis gastos. As entradas de día, aínda co prezo sen confirmar, sairán á venda proximamente, tras o anunciamento do cartel por días.

Porén moitos usuarios teñen manifestado ás súas queixas respecto ao cambio de do servizo de venda de entradas -mentres que os dous anos anteriores adquiríanse por medio de Ticletmaster, desta vez a compañía vendedora é Eventbrite-. Esperas na cola virtual que non foron a ningún lado e rexeitamentos consecutivos do pago con tarxeta son as dúas reclamacións máis frecuentes, expresadas en redes por moitos potenciais clientes que se quedaron sen abono.

Déixanos contarcho!
Mantente ao día das nosas novidades uníndote agora á nosa lista de suscriptores.